პანკისში 26 დეკემბერს ჩატარებულ სპეცოპერაციაში მონაწილე პირებისა და მატი ხელმძღვანელების დასჯას ითხოვენ.

19 წლის თემირლან მაჩალიკაშვილის სახლის ეზოში ადგილობრივები და უხუცესები არიან შეკრებილნი და ერთობლივ განცხადებას აკეთებენ.

უხუცესები საქართველოს მთავარ პროკურორთაბ შეხვედრას ითხოვენ:

„ითხოვს მოსახლეობა შეხვედრა მოხდეს გენერალურ პროკურორთან, რადგან გამოძიება პროკურატურაში მიმდინარეობს ჩვენ გვაინტერესებს სადამდე არის მისული გამოძიება, რა კუთხით მიდის. შეშფოთებას იწვევს ის გარემოება, რომ ეს ანტიტერორისტული ოპერაცია იმდაგვარად ჟღერდება, თითქოს პანკისის ხეობაში მართლაც ტერორისტები იყვნენ, ტერორისტულ ორგანიზაციებთან ჰქონდეთ კავშირი და ა.შ.

მართლაც შემაშფოთებელია ის გარემოება, რომ ჩვენ რაღაც 6 ათასი ვართ და 6 ათასში 5-6 ტერორისტი, ძალიან ცუდად ჟღერს.

დანამდვილებით შემიძლია ვთქვა, რომ მკვლელობა მოხდა, როდესაც შეიძლებოდა ყოველგვარი ოპერაციის, ასეთი ძალადობრივი გზების გარეშე მოგვარებულიყო ეს საკითხი,“-აცხადებს პანკისის ხეობის უხუცესი ხასო ხანგოშვილი.

ირაკლი შოთაძისგან არსებულ კითხვებზე პასუხებს ითხოვს პანკისის ხეობაში იმამის წარმომადგენელიც:

„დღემდე ჩვენ არავინ არ შეგვხვედრია და არანაირი ინფორმაცია არ გვაქს ამ მიმართულებით თუ რა მიმართულებით მიდის გამოძიება. ჩვენ გვსურს შევხვდეთ გენპროკურორს და მისგან მოვისმინოთ კითხვებზე პასუხები,“-აცხადებს პანკისის ხეობაში იმამის წარმომადგენელი მუსა გოდერძიშვილი.