პანკისში ჩატარებული სპეცოპერაციისას, სპეცრაზმის მიერ სასიკვდილოდ დაჭრილი თემირლან მაჩალიკაშვილის დედის თქმით, რუსლან ალდამოვის მიერ გაკეთებული სკანდალური განცხადების შემდეგ გაუმყარდა ეჭვი, რომ მის სახლში სპეცრაზმი შეცდომით შევიდა.

მედიკო მარგოშვილი ამბობს, რომ მის შვილს, თემირლანს და დაკავებულ რუსლან ალდამოვს ბავშვობაში ერთი და იგივე სახელს ეძახდნენ.

„მჯერა, რომ შეეშალათ. ბავშვობაში ჩემს შვილს, თემირლანს თემოსაც ეძახდნენ და რუსლანსაც. ეჭვები მებადებოდა, ხომ არ შეეშალათ, ან ის რატომ უნდა მოეკლათ, მოკვლით არავინ უნდა მოეკლათ... იმ ღამესვე ვუთხარი, ან მისამართი შეგეშალათ, ცრუ ინფორმაცია გაქვთ, შვილო...

ამათ ჩემს ოჯახში, ჩემს თვალწინ, ჩემს სახლში გააკეთეს ტერაქტი, ტერაქტი სხვაგან არ ყოფილა, ჩემს სახლში მოხდა ტერაქტი" - აცხადებს თემირლან მაჩალიკაშვილის დედა.