ხმაური 28-ე ბაგა-ბაღში - მშობლები ეჭვობენ, რომ შენობის დანგრევას ტერიტორიაზე სხვა ნაგებობის აშენების მიზნით აპირებენ

საზოგადოება - 14:41, 25 Jan, 2018

3628

#28 საჯარო ბაგა-ბაღის აღსაზრდელების მშობლები სკოლამდელი დაწესებულების დახურვას აპროტესტებენ.

მშობლები აღიარებენ, რომ არსებობს ექსპერტიზის დასკვნა, სადაც წერია, რომ შენობა ამორტიზებულია თუმცა მისი ექსპულატაცია ერთი წლის განმავლობაში დასაშვებია.

მშობლები ეჭვობენ, რომ დაგეგმილია შენობის მთლიანად დანგრევა და აღნიშნულ ტერიტორიაზე სხვა დანიშნულების ნაგებობის აშენება.

„როდესაც დაიწყო ზამთრის არდადეგები, მაშინ ჭორის დონეზე გავრცელდა, რომ ბაღი არის ავარიული, უნდა დაინგრეს და მაშინვე იყო საუბარი იმაზე, რომ ალტერნატიული ფართი უნდა მოძებნილიყო. რადგან იყო არდადეგები არ მოხდა ინფორმაციის გავრცელება ფართოდ და ლოკალურადაც ვერ გავიგეთ და მერე უკვე რომ დავბრუნდით ბაღში და ვიკითხეთ გამგესთან აღმოჩნდა რომ ზუსტი ინფორმაცია მას არ აქვს,“-განაცხადა ერთ-ერთმა მშობელმა, ნანა ზაზანაშვილმა.

ინფორმაციას შენობის ნგრევის შესახებ არ ადასტურებს 28-ე ბაგა-ბაღის გამგე. მანანა ხეცურიანი ამბობს, რომ ნგრევაზე დასკვნაში არ არის საუბარია. დოკუმენტში მითითებულია, რომ გამაგრებითი სამუშაოები უნდა ჩატარდეს.

„ეს ბაღი არ ინგრევა და ეს ინფორმაცია, რომ ეს მშობლები და ბავშვები სხვაგან გადადიან არის მცდარი და თუ მოხდება ისე, რომ გადავლენ, ისინი გადავლენ ისეთ შენობაში, სადაც ყველა ის პირობა რაც სჭირდებათ, გათვალისწინებული იქნება,“-განაცხადა მანანა ხეცურიანმა.