საერთაშორისო სათხილამურო ფედერაციის (FIS) ინიციატივით უკვე მეშვიდე წელია ,,თოვლის მსოფლიო დღე“ აღინიშნება. „მსოფლიო თოვლის დღე“ მასშტაბური ღონისძიებაა და მასში 45 ქვეყანა მონაწილეობს, რომლის მიზანიც არის ახალგაზრდებში ზამთრის სპორტის პოპულარიზაცია და ჩართულობის გაზრდა. ამ დრომდე ღონისძიება 645 ზე მეტ კურორტზე ჩატარდა და მასში მონაწილეობა 600 000 ზე მეტმა ადამიანმა მიიღო. აღსანიშნავია, რომ ,,თოვლის მსოფლიო დღე“ ეროვნულ დღესასწაულად დადგინდა ავსტრიაში, კანადაში, საფრანგეთში, ისლანდიაშსი, ნორვეგიაში, პოლონეთსა და შვედეთში.

21 იანვარს ეკონომიკისა და მდგრადი განვითარების სამინიტროს „მთის კურორტების განვითარების კომპანიისა“ და საქართველოს სათხილამურო ფედერაციის ორგანიზებით, სპორტისა და ახალგაზრდული საქმეთა სამინისტროს, კომპანია ,,სილქნეტის“, დეველოპერული კომპანია ,,რედკოს“ და ბაკურიანის მთის კლუბების ასოციაციის მხარდაჭერით, საქართველოს ოთხივე სამთო კურორტზე: გუდაურში, ბაკურიანში, მესტიასა და გოდერძიზე ,,თოვლის მსოფლიო დღე“ აღინიშნება. გაიმართება ბავშვთა გასართობი ღონისძიებები, ჩატარდება სახალისო შეჯიბრებები, რომელშიც ყველა მსურველი მიიღებს მონაწილეობას. გუდაურში, „მსოფლიო თოვლის დღეს“ შეუერთდება კულინარიული სკოლა „კარამელი“, „ბასტი ბუბუს“ მომღერალი ბავშვები და ანიმატორთა ჯგუფი „მხიარული ავტობუსი“. აქტივობა დაიწყება 12 საათზე გონდოლის ქვედა სადგურის მიმდებარე ტერიტორიაზე.

დაბა ბაკურიანში კი 17:00 სთ-ზე, ბავშვებს პარკი „ჯოილენდი“ უმასპინძლებს. ღონისძება ბაკურიანის მთის კლუბების ასოციაციის ორგანიზებით ჩატარდება.

მოინიშნეთ კალენდარში 21 იანვარი, მსოფლიო თოვლის დღე საქართველოში!