მმართველი გუნდისა და მედია ორგანიზაციების წარმომადგენლების შეხვედრა პარლამენტის თავმჯდომარის უკრაინაში ვიზიტის დასრულების შემდეგ იგეგმება. საუბარია „მაუწყებლის შესახებ კანონზე“, რომელსაც პრეზიდენტმა რამდენიმე დღის წინ ვეტო დაადო.

მედიის წარმომადგენლები იმედოვნებენ, რომ დაგეგმილი აუდიენცია მმართველ გუნდთან არ იქნება შეხვედრა შეხვედრისთვის:

“პრობლემა ამ კანონთან დაკავშირებით არის ძალიან ბევრი, მათ შორის საზოგადოებრივი მაუწყებლის ნაკლები გამჭვირვალობა და გაურკვეველი დაფინანსებები. თუმცა, არსებითად რომლის გარშემოც ყველა ტელევიზია ვერთიანდებით, ეს არის საზოგადოებრივი მაუწყებლის უკვე კომერციულ საქმიანობაში გადასვლა. იმედი გვაქვს, რომ პარლამენტი მოგვისმენს და სასიამოვნოა, რომ მიღებულ იქნა ეს წინადადება, თუმცა იმედი გვაქვს, რომ ეს შეხვედრა არ იქნება უბრალოდ შეხვედრა შეხვედრისთვის,“ - განაცხადა სამაუწყებლო კომპანია ”რუსთავი 2”-ის იურისტმა თამთა მურადაშვილმა.