ადვოკატ მიხეილ რამიშვილის განცხადება საქართველოს საპატრიარქოში არ ცაიბარეს. ე.წ. ციანიდის საქმის ადვოკატმა დრეს საპატრიარქოს მეორედ მიმართა და მეუფე იაკობის მიერ მის წინააღმდეგ გაკეთებული განცხადების შესწავლა მოითხოვა. საპატრიარქოში რამიშვილს განუცხადეს, რომ დასვენების დღეა და კანცელარია არ მუშაობს.

საქმე ეხება ქორეპისკოპ იაკობის მიერ სატელევიზიო ეთერით გაკეთებულ გაცხადებას, როცა მან მიხეილ რამიშვილი სანდრო გირგვლიანის საქმესთან დაკავშირებით დათა ახალაიას აგენტად გამოაცხადა. რამიშვილი ქორეპისკოპოსის განცხადებას ცილისმწამებლურს უწოდებს:

“ვისთანაც ვიყავი, მე მგონი ივანე ჰქვია თუ არ მეშლება, კანცელარიაში და მითხრა, რომ 22 რიცხვის ჩათვლის დასვენების დღე ყოფილა და აქედან გამომდინარე, ოფიციალურად ვერ ჩაიბარებდნენ, ჩაიბარებდნენ არაოფიციალურად. მე მინდოდა, რომ ეს ყოფილიყო ოფიციალური ჩაბარებული და კითხვა მაინც დამისვა, თუ რას ეხებოდა და მე ვუთხარი, რომ ეს იყო ქორეპისკოპოსი იაკობის და პირადად ჩემი დამოკიდებულება იმ ცილისმწამებლურ განცხადებასთან, რომელიც მეუფე იაკობმა გაავრცელა,“ - აცხადებს რამიშვილი.