"ეს იყო მკვლელობა, რომელიც სახელმწიფომ ჩაიდინა თემირლან მაჩალიკაშვილის მიმართ"

"ეს იყო მკვლელობა, რომელიც სახელმწიფომ ჩაიდინა თემირლან მაჩალიკაშვილის მიმართ" - თამთა მიქელაძე

საზოგადოება - 15:34, 10 Jan, 2018

3219

„ადამიანის უფლებების სწავლებისა და მონიტორინგის ცენტრის“ წარმომადგენელი თემირ მაჩალიკაშვილის გარდაცვალებაზე საუბრობს და მომხდარს მკვლელობას უწოდებს:
თამთა მიქელაძე ამბობს: "ნათელი გახდა, რომ ეს იყო მკვლელობა, რომელიც სახელმწიფომ ჩაიდინა თემირლან მაჩალიკაშვილის მიმართ".

მესამე სექტორში მიაჩნიათ, რომ დასადგენია, რამდენად პროპორციული იყო ძალა, რომელიც სპეცრაზმმა გამოიყენა. გარდა ამისა, მიქელაძის თქმით, დასადგენია, მოხდა თუ დროული სამედიცინო დახმარების აღმოჩენა დაჭრილი მაჩალიკაშვილისთვის.

"ცხადია, ჩვენ გამოვიყენებთ ყველა სამართლებრივ საშუალებას იმისთვის, რომ ამ საქმეზე სიმართლე დადგინდეს და დაზარალებული ოჯახის უფლებები ბოლომდე იყოს დაცული.

ამ საქმეში პრობლემურია, როგორც სროლის პროპორციულობის და აუცილებლობის საკითხი, ასევე, პრობლემურია დროული სამედიცინო დახმარების აღმოჩენის საკითხი უშუალოდ დაჭრის ეპიზოდში და მთელი ამ ორი კვირის განმავლობაში მისთვის აღმოჩენილი სამედიცინო დახმარების ადეკვატურობის პრობლემა. ჩვენ ამ საკითხებს შევისწავლით დეტალურად და ცხადია, საბოლოო სწორება იმისთვის, რომ სიმართლე დადგინდეს ამ საქმეზე, ჩვენ გვაქვს სწორედ ადამიანის ევროპულ სასამართლოში,“ - განაცხადა თამთა მიქელაძემ.