საქართველოს სახალო დამცველი ნინო ლომჯარია მზადყოფნას გამოთქვამს შეხვდეს თემირლან მაჩალიკაშვილის ოჯახის წევრებს. ამის შესახებ ლომჯარიამ ჟურნალისტებთან საუბრისას განაცხადა:

„მშობლებთან დაკავშირებით, გვქონდა კომუნიკაცია, მათ შორის მეც გამოვთქვი მზადყოფნა, რომ ნებისმიერ, მათთვის ხელსაყრელ დროს შევხვედროდი. სამწუხაროდ, მოვლენების ასეთ განვითარებას არ ველოდით. მათი მხრიდანაც იყო სურვილი, უბრალოდ შექმნილი ვითარებიდან გამომდინარე, ბუნებრივია, მათ ვერ მოახერხეს შეხვედრა. თუმცა, შეხვედრის სურვილი ჩემი მხრიდანაც და მათი მხრიდანაც არსებობდა და შესაბამისად, მზად ვარ, როდესაც ოჯახის წევრები შეძლებენ, გავესაუბრო არა მარტო ოჯახის წევრებს, არამედ ზოგადად პანკისში მცხოვრებ მოსახლეობასთანაც ვგეგმავ ამ თემასთან დაკავშირებით შეხვედრას და კომუნიკაციას“, – განაცხადა ნინო ლომჯარიამ.

პანკისის ხეობაში ჩატარებული სპეცოპერაციისას დაჭრილი თემირლან მაჩალიკაშვილი დღედ დილით გარდაიცვალა.