თემირლან მაჩალიკაშვილის ჯანმრთელობის მდგომარეობა კვლავ მძიმეა, წმინდა მიქაელ მთავარანგელოზის სახელობის მრავალპროფილიანი საავადმყოფოს კლინიკური მენეჯერის ზაზა ლურსმანაშვილის განცხადებით, ელოდებიან საზღვარგარეთიდან რომელიმე საავადმყოფოს გამოხმაურებას, რომელიც მაჩალიკაშვილის მისაღებად იქნება მზად.

ექიმის განცხადებით პაციენტის ჯანმრთელობის მდგომარეობა ჯერჯერობით უცვლელია და არ გამოვლენილა რაიმე განსაკუთრებული დინამიკა, მაჩალიკაშვილი სტაბილურად მძიმე რჩება. ლურსმანაშვილის თქმით, მხოლოდ თურქეთის ერთ-ერთმა კლინიკამ გამოხატა ინტერესი და მათ გუშინ გადაეგზავნათ შესაბამისი დოკუმენტაცია.

შეგახსენებთ, რომ თემირლან მაჩალიკაშვილი 26 დეკემბერს პანკისში ჩატარებული სპეცოპერაციისას თავის არეში დაჭრეს. საქმე ეხება ბერი გაბრიელ სალოსის ქუცაზე ჩატარებულ სპეცოპერაციასა და აჰმედ ჩატაევის საქმეს.