კომპანია „სოკარ ჯორჯიას" გორის ოფისში ხმაურია. აქციის მონაწილეები შენობაში შეიჭრნენ და ბუნებრივ აირზე დარიცხულ დიდ გადასახადთან დაკავშირებით მენეჯერისგან პასუხს ითხოვენ.‌ გორის მოსახლეობის ნაწილს დეკემბერში ბუნებრივ აირზე გაზრდილი გადასახადი დაერიცხათ. ისინი ამბობენ, რომ წინა თვეებთან შედარებით გაორმაგებული თანხა დაერიცხათ და მრიცხველების ჩვენება არარეალურია, რადგან ბუნებრივ აირს იმავე რაოდენობით მოიხმარენ.

კომპანიის დირექტორი გიორგი გრიგოლაშვილი ბრალდებებს უსაფუძვლოს უწოდებს და აცხადებს, რომ გადასახადის მომატება რამდენიმე ფაქტორითაა განპირობებული , ერთ-ერთი ფაქტორი გაზის გაძვირების ციკლური შემოწმების დარღვევა გახდა, რადგან ნაცვლად 22 დეკემბრისა, მრიცხველები 26 დეკემბერს შემოწმდა.

მეორე ფაქტორი რამაც გაზის გადასახადის მომატება გამოიწვია ამინდის გაუარესება გახდა მისი თქმით, დეკემბერში ტემპერატურა რამდენიმე გრადუსით დაეცა.

ასევე კომპანიის დირექტორი ფიქრობს , რომ პროტესტს პოლიტიკური სარჩული უდევს.

მოსახლეობა ამ არგუმენტებს არ იზიარებს. აქცია გრძელდება.