ამერიკაში მცხოვრები ქართველი მხატვარი, ლევან სონღულაშვილი, Artistaday-ს ხელოვანთა რეიტინგში პირველ ადგილზე გავიდა. ამის შესახებ ინფორმაციას 1tv ავრცელებს.

Artistaday მსოფლიოს სხვადასხვა კუთხიდან ათასობით ხელოვანს ერთ სივრცეში აერთიანებს.

თბილისში დაბადებული ლევან სონღულაშვილი წლებია, ნიუ-იორკში ცხოვრობს. მას მინიჭებული აქვს ნიუ-იორკის ხელოვნების აკადემიის მაგისტრის ხარისხი და აქტიურად მოღვაწეობს საერთაშორისო ხელოვნების სამყაროში.

ლევან სონღულაშვილი პირველი ქართველი ხელოვანია, რომლის ნახატები ბრუკლინის მუზეუმის მუდმივ კოლექციაში მოხვდა. ახალგაზრდა ქართველმა მხატვარმა მას შემდეგ გაითქვა სახელი, რაც მისი ორი ტილო: „მედუზა“ და „მონაზონი“ ნიუ-იორკის აუქციონზე გაიყიდა.

წყარო: 1tv.ge