„მე, გიორგი მახარაძის დედა, თქვენი სიყვარულითა და მადლიერებით სავსე, ყველას მადლობას გიხდით“

„მე, გიორგი მახარაძის დედა, თქვენი სიყვარულითა და მადლიერებით სავსე, ყველას მადლობას გიხდით“ - მსახიობის დედის ემოციური მიმართვა

საზოგადოება - 12:32, 30 Dec, 2017

13085

მსახიობ გიორგი მახარაძის დედა საზოგადოებას დახმარებისა და გვერდში დგომისთვის მადლობას უხდის:

"მე, თეო ჩივაძე, გიორგი მახარაძის დედა, ცოტა დაბნეული, უფრო შეშინებული, მაგრამ თქვენი სიყვარულითა და მადლიერებით სავსე, ყველას მადლობას გიხდით. ყველას: გიორგის მეგობრებს, ჩემს მეგობრებს, ჩვენთვის ძალიან ახლობელ ადამიანებს, კარგ ნაცნობებს და კიდევ უფრო დიდ მადლობას გიგზავნით, სრულიად უცნობ ადამიანებს. ძალიან დიდი და განსაკუთრებული მადლობა უცხოეთში მცხოვრებ ქართველებს, რომლებმაც სამაგალითო სიკეთე გამოიჩინეს. თქვენმა თანადგომამ და თუნდაც ერთმა სიტყვამ და ლარმა, იცოდეთ, რომ ჩემთვის არნახული ძალა და რწმენა შეიძინა და ვიცი, რომ მხოლოდ ერთად ვართ ძლიერები. მე და გიორგი მოვერევით, დავძლევთ და გავიმარჯვებთ. ბევრი რამ მინდა ვთქვა, მაგრამ სიტყვები არ არსებობს იმ გრძნობის ასახსნელად, რასაც თქვენს მიმართ განვიცდი. თუმცა, ზუსტად ვიცი, ნებისმიერის გულში სიყვარულით შემოაღწევს ჩემი და გიორგის მადლიერება.
მკურნალობისა და პირველი ეტაპის დასრულების შემდეგ, იმედია, უფრო კარგად მოვუყრი თავს სათქმელს და უფრო დიდი სიხარულითა და მადლობებით დაგიბრუნდებით.
მიყვარხართ და ყველას დიდი, ძ ა ლ ი ა ნ დიდი მადლობა. თ.ჩ."- წერს მსახიობის დედა.

27 წლის მსახიობს, გიორგი მახარაძეს 2 კვრის წინ მძიმე დიაგნოზი დაუსვეს. მას ოპერაცია გაუკეთეს და ქეიმებმა ავთვისებიანი სიმსივნის დიაგნოზი დაუსვეს. 3 იანვარს გიორგი თურქეთში მიდის, გამოკვლევებისთვის.

მსახიობს თანადგომა გამოუცხადა თითქმის მთელმა საქართველომ, მეგობრებმა, კოლეგებმა, სრულიად უცხო ადამიანებმა, ყოფილი ოჯახის წევრებმა.
დახმარების მსურველებს შეუძლიათ თანხა გადარიცხონ ,,თიბისი" ბანკის ანგარიშზე: GE16TB7747845061100065
მიმღები: თეონა ჩივაძე (გიორგის დედა).