შპს "გურმანი" "კარფურში" მზა საკვებთან დაკავშირებულ პრობლემებზე განმარტებას აკეთებს

საზოგადოება - 19:18, 29 Dec, 2017

3767

„ნიუპოსტმა“ წერილი მიიღო, სადაც აღნიშნული იყო, რომ შპს "გურმანს", რომელიც „კარფურს" მზა და ცხელი კერძებით ამარაგებს დარღვევების გამო საქმიანობა შეუჩერდა.

როგორც "გურმანში" აცხადებენ, საწარმოო პროცესი მათ ამ დროისთვის შეჩერებული არ აქვთ და რამდენიმე დღეში სრულად იყო აღმოფხვრილი ყველა არსებული პრობლემა.

“გაცნობებთ, რომ მიმდინარე წლის 19 დეკემბერს, შ.პ.ს. გურმანო-ში შემოსული გახლდათ სურსათის ეროვნული სააგენტო. შემოწმების შედეგად, სადაც დღეის მდგომარეობით დასაქმებულია 200 ადამიანზე მეტი, გამოვლინდა რამდენიმე შეუსაბამობა, რომლის შედეგადაც მხოლოდ ცხელი კერძების ერთ-ერთ საამქროს, დროებით შეუჩერდა ოპერირების უფლება, ვაკონკრეტებთ ცხელი კერძების ერთ-ერთ საამქროს და არა სრულად საწარმოს. ამავე წლის 21 დეკემბერს, სურსათის ეროვნული სააგენტოს სპეციალისტების დასკვნის საფუძველზე გამოსწორებულად ჩაითვალა ყველა ის შეუსაბამობა, რომელიც დაფიქსირდა წინა დოკუმენტში (შესაბამოსობის შეფასების აქტი #1 A85000586715-12). ვციტირებთ: კრიტიკული შეუსაბამობები შესრულებულია, ბიზნესოპერატორს აღუდგეს საწარმოო პროცესი” - განუცხადეს "ნიუპოსტს" შპს "გურმანში"