რუსთავის მერმა ირაკლი ტაბაღუამ ღვაწლმოსილ რუსთაველებს შობა-ახალი წელი მიულოცა

საზოგადოება - 15:15, 29 Dec, 2017

1630

რუსთავის მერმა ირაკლი ტაბაღუამ ღვაწლმოსილ რუსთაველებს დამდეგი შობა-ახალი წელი პირადად მიულოცა დღეს რუსთავის მერმა ირაკლი ტაბაღუამ და საკრებულოს თავმჯდომარე ლევან ონიანმა, დამდეგი შობა-ახალი წელი რუსთავში მცხოვრებ ღვაწლმოსილ ადამიანებს მიულოცეს. ირაკლი ტაბაღუა და ლევან ონიანი, უხუცეს პედაგოგ ნელი ღამბაშიძეს, მშენებელ -ინჟინერ თარაშ ესიავას, ვეტერან კალათბურთელ კარლო ნაჭყებიას, მწვრთნელ ვახტანგ ლობჟანიძეს, მხატვარ ამირან ივანიძეს, მუსიკის პედაგოგ სირანუშ არუთინოვას, მსახიობ ნათელა მუხულიშვილს, ქიმიკოს შაქრო ჩალაძეს, ექიმ იამზე ცერცვაძეს, მეეზოვე მანანა ყალაგაშვილსა და სოსო ხურციძეს, ასევე ინჟინერ გივი ჭიპაშვილსა და მოსამართლე ჟუჟუნა გურგენიძეს სახლში ესტუმრნენ და საახალწლო ნობათი გადასცეს.

,,ამ ადამიანებს განსაკუთრებული წვლილი აქვთ შეტანილი ჩვენი ქალაქისა და ზოგადად ქვეყნის განვითარებაში. მათ არაერთი თაობა ყავთ აღზრდილი, არაერთი შენობა და ხიდი აშენებული, არაერთი სიცოცხლე გადარჩენილი, ზრუნავენ ჩვენს ჯანმრთელობაზე და ჩვენს ქალაქზე. სწორედ ამიტომ, გადავწყვიტეთ პირადად მიგველოცა მათთვის დამდეგი შობა-ახალი წელი.“, - განაცხადა რუსთავის მერმა ირაკლი ტაბაღუამ.

დღესვე რუსთავის მერმა საახალწლო ნობათი სოციალურად დაუცველ ოჯახებსაც გადასცა, მოგვიანებით კი, მუნიციპალურ მოხუცთა სახლ ,,ქსენონს“, საქართველოს პარლამენტში რუსთავის მაჟორიტარ დეპუტატ პაატა მხეიძესთან ერთად ესტუმრა და იქ მცხოვრებ ხანდაზმულებს დამდეგი შობა-ახალი წელი მიულოცა.

რუსთავის მერიის საახალწლო საჩუქრები წელს 3000-ზე მეტმა რუსთაველმა უკვე მიიღო მათ შორის: შეზღუდული შესაძლებლობების მქონე პირთა ცენტრებისა და საოჯახო ტიპის ბავშვთა სახლების აღსაზრდელებმა, დღის ცენტრების, მოხუცთა სახლ „ქსენონისა“ და უფასო სასადილოების ბენეფიციარებმა, ვეტერანებმა, სოციალურად დაუცველმა მრავალშვილიანმა ოჯახებმა. საახალწლო ღონისძიებები რუსთავში დღეს 16:00 საათიდან დაიწყო. ქალაქის მთავარ ნაძვის ხესთან, თავისუფლების მოედანზე მოწყობილ ,,საახალწლო სოფელში“, სადღესასწაულო ღონისძიებები ახლაც მიმდინარეობს. საახალწლო გალა-კონცერტი კი, 31 დეკემბერს 21 საათიდან დაიწყება და 23.00.სთ-ზე ფოიერვერკით დაიხურება.