წმინდა მიქაელ მთავარანგელოზის სახელობის მრავალპროფილიანი კლინიკური საავადმყოფოს კლინიკურმა მენეჯერმა, კახა ზურაბიშვილმა, პანკისში სპეცოპერაციის დროს დაჭრილი თემირლან მაჩალიკაშვილის ჯანმრთელობის მდგომარეობის შესახებ კომენტარი გააკეთა. მისი თქმით, ამ დროისათვის არც უარყოფითი და არც დადებითი დინამიკა არაა და მდგომარეობა მძიმე რჩება:

„პაციენტი გადმოიყვანეს მისი მძიმე მდგომარეობიდან გამომდინარე. ამჟამადაც მდგომარეობა მძიმეა. იმყოფება მონიტორულ კონტროლზე. მუდმივად მიმდინარეობს საჭირო გამოკვლევების წარმოება. ამ ეტაპზე, არც უარყოფითი და არც დადებითი დინანიკა არაა, რჩება მძიმე მდგომარეობა”, - განაცხადა კახა ზურაბიშვილმა.

სუს-მა 26 დეკემბერს 5 პირი დააკავა, აქედან 4 პანკისში, ერთი კი - თბილისში.