პანკისის ხეობის სოფელ დუისში სპეცოპერაციის დროს დაჭრილი 19 წლის თემირლან მაჩალიკაშვილის მდგომარეობა მძიმეა. პაციენტს ქირურგიული ოპერაცია ჩაუტარდა. ამჟამად ის განსაკუთრებული მეთვალყურეობის ქვეშ, მართვით სუნთქვაზე იმყოფება.

„ამ ეტაპისთვის რაიმე პროგნოზების გაკეთება შეუძლებელია. პაციენტი გადაყვანილია რეანიმაციულ განყოფილებაში, იმყოფება მართვით სუნთქვაზე. ჰემოდინამიკური მაჩვენებლები სტაბილურია. ის სედაციის ქვეშ იმყოფება. სხვა რაიმე მნიშვნელოვანი ცვლილება ამ ეტაპზე არ გვაქვს. ხდება დაკვირვება და პოსტოპერაციული მკურნალობა. იყო ქალატვინის ცეცხლსასროლი ჭრილობა, ჩატარდა ქირურგიული ჩარევა. მისი მდგომარეობა მძიმეა“- აცხადებს მაჩალიკაშვილის მკურნალი ექიმი.