"სასტუმრო უბრუნდება ჩვეულ სამუშაო რითმს"- Adjara Group-ი სასტუმრო Rooms-ში მომხდარ ხანძართან დაკავშირებით განცხადებას ავრცელებს

საზოგადოება - 14:13, 25 Dec, 2017

2399

სასტუმრო Rooms-ში მომხდარ ხანძართან დაკავშირებით Adjara Group-ი განცხადებას ავრცელებს. კომპანიის განცხადებით ინციდენტის შედეგად არავინ დაშავებულა. დაზიანდა მხოლოდ ოთხი ოთახი და სასხვენო გადახურვა. მათი თქმით დღეს შუადღისას სასტუმრო უბრუნდება ჩვეულ სამუშაო რითმს. უახლოეს საათებში დაიწყება ევაკუირიებული სტუმრების დაბრუნება და ახალი სტუმრების მიღება.

„25 დეკემბერს დილის 00.30 საათზე სასტუმრო Rooms-ის სახურავზე გაჩნდა ხანძარი. ინციდენტის შედეგად არავინ დაშავებულა. დაზიანდა მხოლოდ ოთხი ოთახი და სასხვენო გადახურვა.

ხანძარ საწინააღმდეგო სისტემამ და კერძოდ კვამლის სენსორებმა დროულად და ეფექტურად იმოქმედა. რის შედეგადაც სტუმრების და პერსონალის ევაკუაცია მოხდა სწრაფად და ოპერატიულად. სასტუმრო Rooms’ის ყველა სტუმარი Adjara Group’ის კუთვნილ სასტუმრო Holiday Inn’ში იყო გათავსებული.

ადგილზე მობილიზებული იქნა რამდენიმე სახანძრო ბრიგადა, რომლებმაც მოკლე პერიოდში მოახდინეს ხანძრის ლიკვიდირება.

დღეს შუადღისას სასტუმრო უბრუნდება ჩვეულ სამუშაო რითმს. უახლოეს საათებში დაიწყება ევაკუირებული სტუმრების დაბრუნება და ახალი სტუმრების მიღება.

ხანძრის გაჩენის ზუსტ მიზეზს გამოძიება დაადგენს.“- აღნიშნულია განცხადებაში.