ქუთაისის ერთ-ერთი სკოლის მოსწავლის მშობელი, თამარ ქემოკლიძე აცხადებს, რომ მის შვილს თანაკლასელის მამამ სცემა, რომელსაც პოლიციელის ფორმა ეცვა, თუმცა როგორც შსს-ში „ნიუპოსტს“ განუცხადეს, აღნიშნული პირი შსს-ს თნამშრომელი არა.

„ბავშვი შინ ატირებული მოვიდა, ყური ჰქონდა გაწითლებული. მითხრა, რომ ქალოია დაუძახია მის თანაკლასელს, გუშინ კი თვითონ უთხრა, ქალოია მე კი არა, შენ ხარო. დილით მისულა მშობელი და სიტყვიერი შეურაცხყოფა მიაყენა, სახეშიც გაარტყა და ყურიც აუწია“, - ამბობს თამარ ქემოკლიძე.

სკოლის დირექტორის განცხადებით, საგანმანათლებლო დაწესებულების მიმდებარე ტერიტორიაზე ნამდვილად იმყოფებოდა ერთ-ერთი მოსწავლის მშობელი, თუმცა სცემა თუ არა მან ბავშვს, მისთის უცნობია.

აღნიშნული ფაქტის შესაწვლა განათლების სამინისტრომ დაიწყო.