GEM FEST 2018 ისევ 4-დღიანი იქნება, VIP ბილეთი კი 2 000 ლარი ეღირება

საზოგადოება - 15:57, 12 Dec, 2017

1775

GEM FEST 2018-ის ბილეთების გაყიდვა დაიწყო. როგორც tkt. ge-ზეა ნათქვამი, ამ დროისთვის ბილეთის ფასი 80 ლარს შეადგენს, თუმცა თანდათანობით ფასი გაიზრდება და 250 ლარს მიაღწევს. რაც შეეხება VIP ბილეთს, როგორც საიტზეა აღნიშნული, VIP პასი 2 000 ლარი ღირს. ფესტივალი კვლავ სამეგრელოში, 9-12 აგვისტოს ჩატარდება.

"შარშანდელი მარათონული თავგადასავლების შემდეგ, წელს ჩვენი ამოცანა განსხვავებული იქნება. სოფელ განმუხურში Gem Fest 2018 ახალ ფორმატში ჩატარდება და ის 4 დღე გასტანს. 9-დან 12 აგვისტოს ჩათვლით ფესტივალის ტერიტორიაზე ძირითადი აქტივობები მხოლოდ მუსიკალური ხასიათის იქნება. შესაბამისად, შეიცვლება სცენების კონცეპტი და მათი ფუნქციონირების პრინციპი. მსმენელს ანაკლიაში 4 ერთმანეთისგან განსხვავებული სცენა დახვდება. თითოეული მათგანი თავისი უნიკალური კონცეპტის და იდენტობის მიხედვით იფუნქციონირებს, რაც მრავალფეროვანი მუსიკალური განწყობის შექმნის საშუალებას იძლევა.გარდა ამისა, აღსანიშნავია ის ფაქტიც, რომ არ შეიცვლება Gem Fest-ის, როგორც საერთაშორისო ფესტივალის როლი. სწორედ ამიტომ, ჩვენ ვეპატიჟებით უკლებლივ ყველას ვინც ჩვენთან ერთად ანაკლიაში ახალი საფესტივალო სივრცე შექმნა და იმათაც, ვინც მომავალი წლიდან აპირებს ამ შენების პროცესს შეუერთდეს" - ნათქვამია ივენთის აღწერაში.