საქართველოს რამდენიმე რეგიონს გაზმომარაგება შეეზღუდება

საქართველოს რამდენიმე რეგიონს გაზმომარაგება შეეზღუდება - სოკარი მოსახლეობას აფრთხილებს

საზოგადოება - 11:36, 12 Dec, 2017

4381

კომპანია „სოკარ ჯორჯია გაზი" მოსახლეობას აფრთხილებს. როგორც სოკარის მიერ გავრცელებულ ინფორმაციაშია აღნიშნული, გაზსადენზე დაგეგმილი სარემონტო-საექსპლუატაციო სამუშაოების გამო რამდენიმე რეგიონს გაზმომარაგება შეეზღუდება.

13 დეკემბრის დილის 11:00 საათიდან შუადღის 12:00 საათამდე ბუნებრივი გაზის მიწოდება ქალაქ ოზურგეთში მერაბ კოსტავასა და თამარ მეფის ქუჩების მაცხოვრებლებს შეუწყდებათ.

13 დეკემბრის დილის 12:00 საათიდან შუადღის 13:00 საათამდე ბუნებრივი გაზის მიწოდება ყაზბეგის მუნიციპალიტეტის დაბა სტეფანწმინდის მაცხოვრებლებს შეუწყდებათ.

13 დეკემბრის დილის 09:00 საათიდან 14 დეკემბრის შუადღის 15:00 საათამდე ბუნებრივი გაზის მიწოდება ქალაქ აბაშის შემდეგი ქუჩების ილია ჭავჭავაძის, აკაკი წერეთლის, აბესალომ ასათიანის, თამარ მეფისა და ვაჟა ფშაველას ქუჩების ასევე, სოფელი ნორიოს მაცხოვრებლებს შეუწყდებათ.

14 დეკემბრის დილის 10:00 საათიდან 15 დეკემბრის საღამოს 18:00 საათამდე ბუნებრივი გაზის მიწოდება თერჯოლის მუნიციპალიტეტის შემდეგი სოფლების სიქთარვას, ეწერის, ბარდუბანის, ზემო სიმონეთის, ქვემო სიმონეთის, ნახშირღელესა და ქვებულას მაცხოვრებლებს შეუწყდებათ.

აბონენტებს ბუნებრივი გაზის მიწოდება სამუშაოების დასრულებისთანავე, ეტაპობრივად აღუდგებათ.

კომპანია „სოკარ ჯორჯია გაზი" ბოდიშს გიხდით დისკომფორტისთვის და აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები.

დამატებითი ინფორმაციისთვის დარეკეთ „სოკარ ჯორჯია გაზის" ცხელ ხაზზე: 16 114 ან ეწვიეთ ვებ-პორტალს www.mygas.ge.