"ჩვენ ვითვლით წამებს!" - ჰუმანური ნარკოპოლიტიკის მხარდამჭერებმა რუსთაველზე "იხმაურეს" (ფოტოები)

საზოგადოება - 11:23, 11 Dec, 2017

1738

თბილისში, რუსთაველის გამზირზე, მოძრაობა "თეთრი ხმაურის" წევრები და ჰუმანური ნარკოპოლიტიკის მხარდამჭერები შეიკრიბნენ.

"ხმაური მოძრაობისთვის! "ჩვენ ვითვლით წამებს!" "ჩვენ მოვიგებთ ომს" - სკანდირებდნენ აქცაიზე.

აქციის მონაწილეების , იმ კანონპროექტის დამტკიცებას ითხოვდნენ , რომელიც ჯანდაცვის კომიტეტმა ნარკოპოლიტიკის ეროვნულ პლატფორმასთან ერთად შეიმუშავა, თუმცა საკომიტეტო მოსმენებზე პროექტი არ გასულა.

კანონპროექტში დაგეგმილი მთელი რიგი ცვლილებებით სანქციებით ნარკომომხმარებლებისთვის უნდა შემსუბუქდეს.

"ნარკოპოლიტიკით დაზარალებულები, პატიმრები, მათი ოჯახის წევრები, პრობაციონერები, ჰუმანური პოლიტიკისთვის მებრძოლი ადამიანები - ვისაც ჯერ არ შეხებია რეპრესია და ვინც იაზრებს ადამიანების დეკრიმინალიზაციის მნიშვნელობას ითვლიან წამებს - კანონის მიღებამდე " - აცხადებენ მოძრაობაში.

ლიბერალური ნარკოპოლიტიკის მომხრეების აქციის პარალელურად, სასულიერო პირებიც გამოჩნდნენ ბანერებით, რომელზეც წარწერილი იყო - „ნარკომანია სიკვდილია“, „ნარკომანია გზა ჯოჯოხეთისკენ“.

ჰუმანური ნარკოპოლიტიკის მოთხოვნით საპროტესტო აქციები ბათუმსა და ქუთაისშიც იმართება.

გთავაზობთ, "ხმაურის" ფოტოებს, რომლებიც ფეისბუკზე, აღნიშნული ღონისძიებისთვის შექმნილ ჯგუფში აიტვირთა.