დედაქლაქის საკრებულოში, ფრაქცია „ქართული ოცნების“ თავმჯდომარე ბექა დავითულიანმა ბრიფინგი გამართა და აღნიშნა, რომ თბილისის საცობებისგან განტვირთვის მიზნით მომავალ წელს დედაქალაქის სატრანსპორტო სისტემის განვითარების გეგმა შემუშავდება.

„2018 წელს, თბილისის სატრანსპორტო სისტემის განვითარების გეგმაზე მუშაობა დაიწყება, რომელზე დაყრდნობითაც თავიდან უნდა ავიცილოთ სატრანსპორტო კოლაფსი და შევძლოთ, საზოგადოებრივი ტრანსპორტის განვითარება, ქალაქის საცობებისგან განტვირთვა. საზოგადოებრივი ტრანსპორტის განვითარების ნაწილში დაგეგმილია მეტროსადგურების რეაბილიტაცია და ავტობუსების სამარშრუტო ქსელის დახვეწა-გაფართოებაც. რაც შეეხება კონკრეტულად ავტობუსების პარკის განახლებას, მერია აქტიურად მუშაობს ამ საკითხზე და კონკრეტული შედეგების შესახებ საზოგადოებას ეცნობება“, - განაცხადა დავითულიანმა.

მისივე განცხადებით, 2018 წლის ბიუჯეტის პროექტში ქალაქის ეკოლოგიური მდგომარეობის გაუმჯობესებისთვის თანხა 88 მლნ ლარამდეა გაზრდილი:

„ჩვენი გუნდი წინასაარჩევნოდ აანონსებდა, რომ თბილისის ყველა რაიონში შეიქმნებოდა კულტურის, განათლებისა და სპორტის, მულტიფუნქციური, ახალგაზრდული ცენტრები. 2018 წელს გათვალისწინებულია 2 ასეთი ცენტრის მშენებლობა და სამის პროექტირება“, - განაცხადა დავითულიანმა.