,,ეს არ ყოფილა პნევმატური იარაღი, ეს იყო პლასტმასის სათამაშო თოფი“ – 51-ე სკოლის დირექტორი პროკურატურის განცხადებას ეხმაურება

საზოგადოება - 23:12, 03 Dec, 2017

11877

ეს არ ყოფილა პნევმატური იარაღი, ეს იყო სათამაშო პლასტმასის თოფი - ამის შესახებ 51-ე სკოლის დირექტორმა მანანა თურქაძემ ,,პოსტსკრიპტუმთან" სატელეფონო ინტერვიუში განაცხადა და სამძიმარი გამოუხატა გარდაცვლილთა ოჯახებს, მოსწავლეებს და მთელ საქართველოს ამ უძმიმესი ტრაგედიისთვის.

თურქაძე ამბობს, რომ მოსწავლეებს შორის დაპირისპირება სკოლაში არ ყოფილა და ყველა ბავშვი ბოლო გაკვეთილის ჩათვლით სკოლაში იყო.

,,ჩენ თავს არ ვარიდებთ არანაირ კითხვებს, უბრალოდ ფიზიკური შესაძლებლობა არ იყო განცხადებები გაგვეკეთებინა, ჩვენ გვიანობამდე ვიყავით ბავშებთან ერთად. ძალიან მძიმეა ის რაც პროკურატურამ თქვა, ის თუ რა უძღოდა წინ. ხაზგასმით მინდა ვთქვა, რომ აქ საუბარია სათამაშო და არა პნევმატურ იარაღზე. თუმცა ეს რომ ჩვენთვის ცნობილი ყოფილიყო თუნდაც სათამაშო, პლასტმასის იარაღი, ამასაც აღვკვეთდით. ვერ გეტყვით,არ ვიცი რატომ ითქვა პნევმატური იარაღი, მაგრამ მინდა დანამდვილებით გითხრათ, რომ ეს იყო პლასტმასის სათამაშო იარაღი და ამას გამოძიება დაადგენს.

მთელი დღე სკოლაში იყო სიმშვიდე და არ სჭირდებოდა მანდატურის განმუხტვა. რა თქმა უნდა მანდატურებმა არ იცოდნენ და მათ რომ ეს სცოდნოდათ, ეს არ მოხდებოდა.

მინდა ხაზი გავუსვა იმასაც, რომ იქთვა, თითქოს სკოლიდან ბავშვები გავიდნენ ადრე, მინდა გითხრათ, რომ ბავშვები ბოლო გაკვეთილის დასრულებამდე იყვნენ სკოლებში, ორივე მოზარდი. ერთს სპორტი ჰქონდა და მასწავლებელს ეთამაშა და მოუგო ფრენბურთი ერთერთ გარდაცვლილს, მასწავლებელმა გამოაცილა და ამოჰყვა, მეორეს ჰქონდა მათემატიკა და საკმაოდ აქტიური იყო გაკევთილზე“ - განაცხადა მანანა თუქაძე.

მანვე აღნიშნა, რომ მანდატურები ფილარმონიის წინ მოსულ უცხო ბავშვებს გაჰყვნენ და ბაქრაძის ქუჩამდე ავიდნენ, ,,იქ არ დახვდნენ და ჩვენთვის უცნობი იყო რომელ ეზოში შეიძლება შესულიყვნენ. ამ ეზოში ჩვენი მოსწავლეები არასდროს შესულან. არ კონტროლდება, რადგან ეს არ არის ჩვენი სკოლის ახლომდებარე ტერიტორია.“ - განაცხადა 51-ე სკოლის დირექტორმა.