ხორავას ქუჩაზე დაჭრილი მოზარდის ჯანმრთელობის მდგომარეობის შესახებ ქირურგმა დავით ლოლაძემ კომენტარი გააკეთა:

„პაციენტის მდგომარეობა არის უკიდურესად მძიმე, არის არასტაბილური ჰემოდინამიკით. შემოსვლიდან ამ დრომდე მისი სასიცოცხლო მაჩვენებლების შენარჩუნება მიმდინარეობს, ამისთვის რეანიმაციული ღონისძიებები ტარდება, პაციენტს გაუკეთდა სამი სხვადასხვა მიდამოს ოპერაცია. მიმდინარეობს შემოსვლიდან ამ წუთის ჩათვლით სისხლის კომპონენტების მუდმივი ინფუზია ანუ გადასხმა, რის მიუხედავადაც სისხლდენის ზოგადი შედედება არ ხდება და სისხლდენის შეჩერება ამის გამო ვერ ხერხდება. არის არასტაბილური ჰემოდინამიკით, უმძიმესი მდგომარეობით,“ - განაცხადა დავით ლოლაძემ.