ჩერნოვეცკის ფონდის მცირე საოჯახო ტიპის სახლის ბავშვები ექსკურსიაზე იმყოფებოდნენ

საზოგადოება - 14:11, 28 Nov, 2017

1461

ექსკურსიას მოზარდისთვის ბევრად უფრო მეტი დატვირთვა აქვს, ვიდრე ეს ერთი შეხედვით ჩანს, რამეთუ ეს არ არის მხოლოდ საინტერესო ადგილის მონახულება. იმისათვის, რომ ბავშვისგან პიროვნება ჩამოყალიბდეს, მან კარგად უნდა ისწავლოს და ყოველმხრივ განვითარდეს, გააფართოვოს თავისი მსოფლმხედველობა.

ჩერნოვეცკის ფონდი სისტემატურად აწყობს მისი ოპერირების ქვეშ მყოფი მცირე საოჯახო ტიპის სახლების აღსაზრდელებისთვის საინტერესო ექსკურსიებს, აძლევს მათ საშუალებას გაეცნონ ქვეყნის ისტორიას და თანამედროვე ცხოვრებას.

ასე იყო ამჯერადაც. ქობულეთსა და თბილისში მდებარე ფონდის სამივე სახლის აღსაზრდელებმა იმერეთის რეგიონის ღირშესანიშნაობები მოინახულეს – გელათის სამონასტრო კომპლექსი, მოწამეთას ეკლესია, სათაფლიას ეროვნული პარკი.

უამრავი ღიმილი, მხიარული შეძახილები, მეგობრული საუბრები და…”გაუთავებელი” შეკითხვები. ბავშვები წარუშლელი შთაბეჭდილებებით, რეგიონის ისტორიის შესახებ ახალი ცოდნით დაბრუნდნენ.

ჩვენი ფონდი არ იშურებს ძალისხმევას, რომ ამ ბავშვებმა, რომელბმაც ჩვენთან მოსვლამდე რთული გზა გამოიარეს, თავი ბედნიერად იგრძნონ და სისტემატურად განვითარდნენ!

ბავშვები– ეს ჩვენი საზოგადოების ცოცხალი ძალაა. მათზე ზრუნვა თითოეული ჩვენგანის მოვალეობაა.