თბილისის რეფერალური საავადმყოფოს ქირურგიული სამსახყრის უფროსმა იოსებ აბულაშვილმა განაცხადა, რომ წუხელ ღამით, გაბრიელ სალოსის ქუჩაზე ჩატარებული სპეცოპერაციისას დაჭრილი კიდევ ორი პირი მიიყვანეს.

მისივე განმარტებით, სამი დაჭრილი, რომლებიც საავადმყოფოში სპეცოპერაციის დამთავრების შემდეგ მიიყვანეს ოპერაცია ჩაუტარდათ.

"რეფერალურ საავადმყოფოში ღამით კიდევ ორი დაჭრილი მიიყვანეს, თუმცა მათ მძიმე ჭრილობები არ ჰქონდათ და საავადმყოფო უკვე დატოვეს, ისინი სახლში გააგრძელებენ მკურნალობას. მათ აღენიშნებოდათ ჭრილობები ძირითადად ქვედა კიდურების და ზედა კიდურების არეში. სამივე პაციენტს გაეწია კვალიფიციური ქირურგიული მომსახურება, ჩაუტარდათ ოპერაციები, ამჟამად მათი მდგომარეობა სტაბილურია, საშუალო სიმძიმის. ისინი იმყოფებიან სტაციონალურ მკურნალობაზე ქირურგიულ დეპარტამენტში", - აცხადებს იოსებ აბულაშვილი.