ბათუმში, თამარის დასახლებაში, კანალიზაციის სარეაბილიტაციო სამუშაოების დროს, მიწის ქვედა ფენებში, მუშებმა ქვევრი აღმოაჩინეს. დასაქმებულებმა ექსპონატი ჯერ ხელით, შემდეგ ქვით და ბოლოს ტრაქტორის "დახმარებით" დააზიანეს.

სპეციალისტების პირველადი დასკვნით, ქვევრი შუა საუკუნების ეპოქას ასახავს და დაახლოებით XI-XIII საუკუნეებით თარიღდება.

„ქვევრი განვითარებული შუა საუკუნეების უნდა იყოს. ჩვენ შეგვიძლია შევისწავლოთ ძველი წელთაღრიცხვის, მე-8 საუკუნიდან დაწყებული გაგრძელებული შუა საუკუნით. რაც შესაძლებელი იქნება გადავარჩენთ. ჩვენ რომ გვცოდნოდა, ჩვენი წარმომადგენელი მეთვალყურეობას გაუწევდა და ასეთი ბარბაროსობა არ მოხდებოდა“ - განაცხადა არქეოლოგი ამირან კახიძემ.

ბათუმის მერიის ზედამხედველობის სამსახურის უფროსის განცხადებით, მომხდარზე მოკვლევა უკვე დაწყებულია.