სამტრედიაში, მხატვარ ლია უკლებას მიერ შესრულებული სტრიტ-არტი გადაღებეს. ნახატი ნაადრევი ქორწინების პრობლემას ეხებოდა. პროექტი ერთი წლის წინ, ამერიკის საელჩოს მხარდაჭერით განხორციელდა. ინფორმაციას „ქუთაისი პოსტი“ ავრცელებს.

მედიის ცნობით, გადაღებვა სამტრედიის გამგეობამ განახორციელა.

"ქუთაისი პოსტის" ცნობით, მოსახლეობამ გამგეობას ფასადების მოწესრიგებასთან დაკავშირებით მიმრთა.

"დაკმაყოფილდა მათი სურვილი. ნახატი არ ვიცი ვინმეს უშლიდა თუ არა ხელს. მხატვარს თუკი სურვილი ექნება შეუძლია შემოვიდეს განცხადებით და თავიდან განათავსოს ნახატი", - ამბობს სამტრედიის გამგეობის წარმომადგენელი.

„ნაადრევი ქორწინება" ლია უკლებას მიერ სტრიტ-არტის ჟანრში შესრულებული მეორე ნამუშევარია, რომელიც გადაღებეს. ასევე წაშალეს, ამავე პროექტის ფარგებში, წყალტუბოს სამხატვრო სკოლის კედელზე, ფემინისტურ თემაზე შესრულებული ნახატი.