მსოფლიო ფეხბურთის ვარსკვლავი, მადრიდის „რეალის“ თავდამსხმელი კრიშტიანუ რონალდუ მამა მეოთხედ გახდა. პატარა გოგონას ალანა მარტინას დაბადების შესახებ ინფორმაცია კვირას გავრცელდა. ბავშვის დედა, კრიშტიანუს მეგობარი გოგონა გიორინა როდრიგესია.

„ალანა მარტინა დაიბადა. გეო და ალანა თავს კარგად გრძნობენ, ჩვენ ძალიან ბედნიერები ვართ“- დაწერა ტვიტერზე რონალდუმ.

რონალდუს უკვე ჰყავს 7 წლის შვილი, კრიშტიანუ რონალდუ-უმცროსი, რომელიც ფეხბურთელს 2010 წელს სუროგატმა დედამ გაუჩინა და ტყუპები ბიჭი - მატეო, გოგონა -ევა , რომლებიც ქვეყანას 2017 წლის 8 ივნისს, ასევე სუროგატი დედის მეშვეობით მოევლინენ.