ქართველმა ქალმა მოჭადრაკეებმა მორიგი ბრწყინვალე გამარჯვება იზეიმეს - ევროპირველობის მეშვიდე ტურში მათ ესპანეთის ნაკრები გაანადგურეს ანარიშით 4:0. გამარჯვება ნანა ძაგნიძემ, ნინო ბაციაშვილმა, ბელა ხოტენაშვილმა და სალომე მელიამ მოიპოვეს.

ქალთა ჩემპიონატს 7 ტურის შემდეგ 13 ქულით რუსეთის ნაკრები ლიდერობს, ქულით ნაკლები აქვს ქართულ გუნდს, ხოლო 10-10 ქულით III-IV ადგილებს პოლონელები და თურქები ინაწილებენ.

მომდევნო ტურში ცენტრალური სწორედ ამ ოთხეულის შეხვედრა იქნება: თურქეთი - რუსეთი და პოლონეთი - საქართველო.

სამწუხაროდ თამაში არ წაუვიდათ ქართველ ვაჟებს, მეშვიდე ტურში მათ თურქებთან დათმეს მატჩი.

ფინიშამდე 2 ტურით ადრე ვაჟთა ჩემპიონატს რუსეთი ლიდერობს 12 ქულით, ერთი ქულით ნაკლები აქვს აზერბაიჯანს, ხოლო 10-10 ქულით III-IV ადგილებს: უნგრეთი და უკრაინა ინაწილებენ.