2016 წელს საქართველოში ნაკლები ქალი დაიბადა და მეტი კაცი მოკვდა

საზოგადოება - 12:30, 03 Nov, 2017

1867

2017 წლის 1 იანვრის მონაცემებით საქართველოში 1937000 ქალია და 1782000 კაცი, 2016 წელს დაიბადა 28 ათასი ქალი და 29 ათასი კაცი, გარდაცვალებით კი 25 ათასი ქალი და 26 ათასი კაცი გარდაიცვალა.

2016 წელს გარდაცვალებულთა 49% ქალი იყო, 51% კაცი, გარდაცვალების პროცენტული მაჩვენებელი ასაკის მიხედვით ყველაზე მაღალი 80 წლის ზემოთაა ქალებშიც და კაცებშიც. ქალების 50% და კაცების 27% სწორედ ამ ასაკში გარდაიცვალა. აღსანიშნავია ის რომ 20-29 წლის ასაკში კაცების 2%, 30-39 წლის ასაკში 3%, 40-49 წლის ასაკში 6%, 50-59 წლის ასაკში 14%, 60-69 წლის ასაკში 20%, 70-79 წლის ასაკში 26% მოკვდა.

25 ათასი გარდაცვლილი ქალიდან 12%-ის გარდაცვალების მიზეზი სიმსივნე გახდა , 39 %-ის სისხლის მიმოქცევის სისტემის ავადმყოფობები. 49%-ის კი სხვა ავადმყოფობები. კაცების შემთხვევაში 26 ათასიდან სიმსივნე გახდა 15%-ის გარდაცვალების მიზეზი, სისხლის მიმოქცევის სისტემის ავადმყოფობები 32%, განზრახ თვითდაზიანება და თავდასხმა1%, სხვა ავადმყოფობები 52%.

2016 წელს თვითმკვლელობების სტატისტიკა ასეთია.2016 წელს 2006 წელთან შედარებით ქალებში თვითმკვლელობათა რაოდენობა 2.8-ჯერ, ხოლო კაცებში 2.3-ჯერ გაიზარდა.

2016 წელს ქალების შემთხვევაში თვითმკვლელობის 6% 15 წლამდე ასაკში მოხდა, 10% 15-19 ასაკში, 84% კი 20 წლის ზემოთ, კაცების შემთხვევაში 15-19 წლის ასაკში 5%, 20 წლის ზემოთ 95%. 2016 წელს 31 ქალმა და 130 კაცმა მოიკლა თავი.

2016 წლის მონაცემებით ცოცხლად დაბადებულ ბავშვთა დაახლოებით 70 % რეგისტრირებულ ქორწინებაში დაიბადა. პირველი შვილის შემთხვევაში სქესთა თანაფარდობა ასეთია 100 გოგოზე 102 ბიჭი, მეორე შვილის შემთხვევაში 100/103, ხოლო მესამე და შემდეგი შვილის შემთხვევაში 100 გოგოზე 112 ბიჭი.

2000 წლიდან 2012 წლამდე რეგისტრირებული აბორტების რაოდენობა თითქმის 2.5-ჯერ გაიზარდა, ხოლო 2016 წელს 2012 წელთან შედარებით რიცხოვნობა 13.0%-ით შემცირდა. აბორტების 96.0% 20-44 წლის ასაკობრივ ჯგუფზე მოდის.