ამ წუთებში ლანჩხუთის მუნიციპალიტეტის სოფელ ზემო აკეთში, ჩინური კომპანიის კუთვნილი მაღალი ტვირთამწეობის მანქანებს გადაადგილების საშუალებას არ აძლევენ.

ორი ტვირთმზიდი, რომელიც მაგისტრალის მშენებლობისთვის მდინარე სუფსიდან ინერტულ მასალას ეზიდება, უკვე ნახევარ საათზე მეტია გაჩერებულია.

როგორც სოფელში გამგებლის წარმომადგენელი მანუჩარ ღლონტი ამბობს, ჭეიშვილების ოჯახი აღნიშნულ ტერიტორიაზე მძიმეწონიანი მანქანების მოძრაობის აკრძალვას ითხოვს, რადგან მათ საცხოვრებელ სახლს სერიოზული პრობლემები ექმნება: 'ამბობს ეძო დამეწყრილია, სახლს პრობლემები ექმნებაო. მე როგორც ვიცი, ჩინური კომპანიიდან იყო საუბარი, რომ თუ ექსპერტიზის პასუხებით დამტკიცდება მათი ბრალულობა, სავარაუდოდ კომპენსაციას პირდებიან. მაგრამ, ეს დასკვნა ჯერ არ არსებობს. ორი დღის მოწვეული გვყავდა გეოლოგები და ველოდებით მათ პასუხსაც. გარეგნულად არც სახლს ეტყობა დაზიანება და არც ეზოს. ნახევარი საათია ორი ტვირთმზიდი გაჩერებული ჰყავთ. მეც და დეპუტატიც კიდევ ერთხელ მივალთ და გავარკვევთ, იმედია შძლებენ მოლაპარაკებას"-განაცხადა მანუჩარ ღლონტმა.