„ოცნების" პარტიულ პოლიციას სურს რამენაირად გამაჩუმოს" - მამუკა ხერხეულიძე ამბობს, რომ უთვალთვალებენ

საზოგადოება - 12:23, 28 Oct, 2017

4622

მწერალი მამუკა ხერხეულიძე სოციალურ ქსელში წერს, რომ თვითმმართველობის არჩევნების შემდეგ მის საცხოვრებელ სახლთან ორი მანქანა მორიგეობს.
ხერხეულიძე ფაქტს მის ხელისუფლებისადმი კრიტიკას უკავშირწბს. „ოცნების" პარტიულ პოლიციას სურს რამენაირად გამაჩუმოს" - აცხადებს ხერხეულიძე.

მამუკა ხერხეულიძე ამბობს, რომ მისი გაჩუმება შესაძლოა მისი შვილის დაკავებით სცადონ.

"მეგობრებო, ე.წ. "არჩევნების" დამთავრების დღიდან დღემდე ჩემს სახლთან მუდმივად დგას მორიგე მანქანა, რომელზე დაკვირვების შედეგადაც ის პოლიციის აღმოჩნდა. დღევანდელი ხელისუფლების მიზანი, აქედან გამომდინარე, ცხადია - „ოცნების" პარტიულ პოლიციას სურს რამენაირად გამაჩუმონ, მე მწერალი მამუკა ხერხეულიძე, როგორც ამ ხელისუფლების კრიტიკოსი და ოპოზიციონერი იმით, რომ ჩემს უფროს ვაჟს რაიმე დაუშავონ; კერძოდ, ნარკოტიკის, ან იარაღის ანდაც რაიმე აკრძალული ნივთის "ჩადების" გზით ის ციხეში გაისტუმრონ და ამით დაგვაშანტაჟონ.

შსს-ს მინისტრისა და "ოცნების" მთელი ლიდერშიპის საყურადღებოდ ვაცხადებ, რომ ასეთი უკანონობის შემთხვევაში ბრძოლისა და პროტესტის უკიდურეს ხერხებს მივმართავთ არა მარტო მე, ასევე ყველა ის ადამიანი თუ მშობელი, ვინც მაგვარი უკანონობის სამიზნე ან მსხვეპრლია, და შევეცდებით ძალიან დავაზიანოთ როგორც თქვენი "თავისუფლად სუნთქვის" ლეგენდა, ასე თქვენი მთელი პოლიტიკური გუნდი, ვისაც პიროვნებების დონეზე დაეკისრება პასუხისმგებლობა.

როგორც ჩანს, თქვენ არ იცით რას ნიშნავს ამ ქალაქის მკვიდრი საზოგადოების და წესიერი თბილისელების ნამდვილი მრისხანება. დასკვნები თქვენთვის მომინდია. მიიღეთ ეს უკანასკნელ გაფრთხილებად,"-აცხადებს ხერხეულიძე.

პოლიციის მხრიდან თვალთვალზე წერს, "ენმ"-ს წევრი ეკა ხერხეულიძეც და ფოტო მასალასაც ავრცელებს.

"ზუსტად იგივე ვითარებაა ჩემ სახლთან.დგანან ჩემი სადარბაზოს წინ და დღე-ღამის განმავლობაში მორიგეობს ორი ეკიპაჟი.მოტივი ნათელია,შემკვეთის გვარებიც ვიცით და მორიგე ოპერების ვინაობაც.

მეტი არ მინდა,რამე შეგეშალოთ!თქვენს ხასიათზე კი ვარ..."-წერს ეკა ხერხეულიძე.