ბაღს ზაფხულის არდადეგების პერიოდში სრული რეაბილიტაცია ჩაუტარდა - მთლიანად შეიცვალა შენობის სახურავი, მოეწყო ახალი სანიაღვრე და საკანალიზაციო სისტემა, განახლდა და შეიღება შენობის მთელი ფასადი. რეაბილიტაცია ჩაუტარდა საბავშვო ბაღის ეზოსაც, სადაც დაიგო ასფალტის საფარი, სათამაშო მოედნები მოპირკეთდა ქვაფენილით; ასევე, განახლდა ფერდის დამჭერი კედელი, რომელიც ბაღის თანამშრომლებმა დეკორატიულად მოხატეს. სარემონტო სამუშაოები შენობის შიგნითაც განხორციელდა - ბაგის ჯგუფებში გარემონტდა სველი წერტილები. საბავშვო ბაღს აქვს კეთილმოწყობილი სამზარეულო, რომელიც აღჭურვილია თანამედროვე სტანდარტების შესაბამისად.
საშემოდგომო რგვების ფარგლებში, საბავშვო ბაღის ეზოში გამწვანების ღონისძიება გაიმართა და მასში მონაწილეობა მებაღეებთან ერთად, ბაგა-ბაღის აღსაზრდელებმაც მიიღეს.
ბავშვებმა დღეს შემოდგომის ზეიმიც გამართეს - შეასრულეს მუსიკალური ნომრები და სტუმრებთან ერთად ჩურჩხელები ამოავლეს.
ზაფხულის განმავლობაში სხვადასხვა სახის სარემონტო-სარეაბილიტაციო სამუშაოები თბილისის 106 საბავშვო ბაღში ჩატარდა. სამუშაოები მოიცავდა როგორც შიდა, ისე გარე ინფრასტრუქტურის მოწესრიგებას, მათ შორის გზის საფარის რეაბილიტაციას.
მასალის გამოყენების პირობები






