ბიორკს საქართველოში ერთადერთი განსაკუთრებული მოთხოვნა აქვს

საზოგადოება - 17:27, 27 Oct, 2017

3598

Björk -ს კონტრაქტით გათვალისწინებული ვალდებულებების მკაფიოდ დაცვის გარდა, მხოლოდ ერთი რამ სურს, რომ ბექსტეიჯი მთლიანად ყვავილებით იყოს მორთული. რა თქმა უნდა, სურვილს 51 წლის ისლანდიელ არტისტს SOU festival-ის გუნდი შეუსრულებს.

ცოცხალი ლეგენდა კონცერტებს 31 ოქტომბერს თბილისის საკონცერტო დარბაზსა და 3 ნოემბერს ოპერისა და ბალეტის თეატრში გამართავს. კონცერტებს წარმოგიდგენთ თანამედროვე მუსიკისა და ვიზუალური ხელოვნების ფესტივალი SOU და სასტუმროების ქართული ბრენდი ROOMS HOTELS.

დაგეგმილ კონცერტებთან დაკავშირებით თბილისს, ასევე ცნობილი ისლანდიელი, ახალგაზრდა დირიჟორი, ბარნი ფრიმან ბარნასონი ესტუმრება. ბარნასონი ევგენი მიქელაძის სახელობის საქართველოს ეროვნულ სიმფონიურ ორკესტრს, ორივე კონცერტზე უდირიჟრებს.

ცნობილია, რომ ბიორკის პროგრამა საქართველოში ჩასატარებელი ორივე ღონისძიების განმავლობაში იდენტური იქნება, რომელიც ძირითადად მის 2015 წლის ალბომს, „Vunicura“-ს ეხება. „Vulnicura Strings“ ალბომის აკუსტიკური ვერსიაა, რომელიც სიმებიან საკრავებზეა დაფუძნებული. ბიორკი ცნობილ კომპოზიციებს სწორედ ორკესტრის სიმებიანი საკრავების თანხლებით შეასრულებს.

შეგახსენებთ, რომ ოპერის თეატრში გასამართ ღონისძიებაზე ბილეთები სრულად და 25 ქვეყნის მასშტაბით გაყიდულია, ხოლო ფილარმონიის კონცერტზე დარჩენილია ბილეთების ნაწილი, რომელთა ფასიც 200 ლარიდან - 590 ლარამდე მერყეობს.