ფიფამ რონალდუ 2017 წლის საუკეთესო ფეხბურთელად დაასახელა (ფოტოკოლაჟი)

სპორტი - 16:46, 24 Oct, 2017

3971

მადრიდის „რეალის“ თავდამსხმელი კრიშტიანუ რონალდუ ფიფამ 2017 წლის საუკეთესო ფეხბურთელად დასახელა. ამ წელს 32 წლის პორტუგალიელმა სამეფო გუნდის შემადგენლობაში ესპანეთის ჩემპიონატი, ჩემპიონთა ლიგა, უეფას სუპერთასი და ესპანეთის სუპერთასი მოიგო.

ჯილდოსათვის ბრძოლაში რონალდუს კონკურენტები „ბარსელონას“ არგენტინელი ფორვარდი ლიონელ მესი და „პსჟ“-ს ბრაზილიელი თავდამსხმელი ნეიმარი იყვნენ.

ცერემონიაზე რომელიც ორშაბათს ლონდონში გაიმართა, ფიფას ვერსიით საუკეთესო მწვრთნელად რეალის მწვრთნელი ზინედინ ზიდანი დასახელდა. საუკეთესო მეკარედ ტურინის "იუვენტუსისა" და იტალიის ნაკრების 39 წლის მეკარე ჯიჯი ბუფონი აღიარეს. ის ამ ჯილდოს ყველაზე ასაკოვანი მფლობელია.

ჯილდოს მფლობელები მწვრთნელების, ეროვნული ნაკრებების კაპიტნების, ჟურნალისტების და გულშემატკივრების მიერ მიცემული ხმების შედეგად გაირკვა.

კრიშტიანუ რონალდუ 2008 და 2016 წელს უკვე იყო ფიფას მიერ საუკეთესო ფეხბურთელად აღიარებული. 2016 და 2014 წელს ის „ფიფას ოქროს ბურთის“ მფლობელი გახდა, 2008 და 2016 წელს ჟურნალ France Football-ის მიერ დაწესებული „ოქროს ბურთის“.

კრიშტიანუ რონალდუ დუშ სანტუშ ავეირუ 1985 წლის 5 თებერვალს დაიბადა ქალაქ ფუნშალში, პორტუგალიურ კუნძულ მადეირაზე.

1993 წელს მან თამაში ბავშვთა საფეხბურთო კლუბ „ანდორინიაში“ დაიწყო, ორი წლის შემდეგ კი „ნასიონალში“ გადავიდა.

დიდ ფეხბურთში რონალდუ „სპორტინგის“ შემადგენლობიდან მოხვდა. 2001 წელს ის ლისაბონის „ატლეტიკოსთან“ ამხანაგურ შეხვედრაში შეცვლაზე შემოვიდა და გოლიც გაიტანა.

„სპორტინგის“ მთავარ შემადგენლობაში რონალდუმ მხოლოდ ერთი სეზონი ითამაშა, რის შემდეგაც ის ინგლისურმა კლუბმა „მანჩესტერ იუნაიტედმა“ შეიძინა 2003 წელს.

2009 წელს ფეხბურთელი მადრიდის „რეალში“ გადავიდა, კონტრაქტის ღირებულებამ 93.4 მილიონი ევრო შეადგინა, რამაც რონალდუ ისტორიაში ყველაზე ძვირადღირებულ ფეხბურთელად აქცია.

2016 წელ ჟურნალმა ფორბსმა რონალდუ ყველაზე მაღალანაზღაურებად სპორტსმენად დაასახელა, მისი ყოველწლიური შემოსავალი 88 მილიონი დოლარია.