ზუმერი უკვე 8 წლისაა

საზოგადოება - 12:14, 23 Oct, 2017

1122

ციფრული ტექნიკის მაღაზიათა ქსელ ზუმერს 8 წელი შეუსრულდა. ამ თარიღის აღსანიშნავად, კომპანიამ ლოიალურ მომხმარებელს ცენტრალურ ფილიალში უმასპინძლა. საღამოზე ზუმერის წარმომადგენლებმა მომხმარებლებთან ერთად გაიხსენეს წარსული გამოცდილება და ისაუბრეს სამომავლო გეგმებზე.

კომპანიამ ციფრული ტექნიკის ბაზარზე ოპერირება 2009 წლის ოქტომბერში ერთი მაღაზიით დაიწყო, დღესდღეობით კი 15 ფილიალს და 200-ზე მეტ თანამშრომელს აერთიანებს ქვეყნის მასშტაბით. კომპანიის წარმომადგენლების ინფორმაციით, ზუმერი კვლავაც განაგრძობს ინტენსიურ ზრდას და უახლოეს მომავალში გეგმავს ახალი ფილიალების გახსნას. ქსელის განვითარების პარალელურად, კომპანია აქტიურად მუშაობს მომსახურების ხარისხისა და გაყიდვების კონსულტანტების ტექნიკური ცოდნის გაუმჯობესებასა და სრულყოფაზე.

ზუმერის ქსელში მომხმარებელს შეუძლია შეიძინოს, მსოფლიოს წამყვანი ბრენდების უახლესი ტექნიკა. ქსელში წარმოდგენილ ასორტიმენტს ანალოგი არ აქვს საქართველოში.

ზუმერი სმარტფონების, ციფრული ფოტოაპარატების, ნოუთბუქების, ტელევიზორებისა და აუდიო-ვიდეო ტექნიკის ერთ-ერთი მსხვილი საცალო ქსელია და მომხმარებელს პროდუქციას ყველაზე დაბალ ფასად სთავაზობს საქართველოში.