ზაქარია ფალიაშვილის სახელობის თბილისის ოპერისა და ბალეტის სახელმწიფო თეატრში 26 ოქტომბერს რუჯერო ლეონკავალოს „ჯამბაზები“ შესრულდება. სპექტაკლში მთავარ პარტიას იმღერებს მსოფლიოში ცნობილი ქართველი სოპრანო თამარ ივერი, ის ნედას პარტიას შეასრულებს. თამარ ივერის პარტნიორობას გაუწევენ თბილისის ოპერის სოლისტები-ანზორ ხიდაშელი, სულხან გველესიანი, გიორგი წამალაშვილი, ირაკლი მურჯიკნელი.

„სპექტაკლს, 26 ოქტომბერს, ვუძღვნი გენიალური ცისანა ტატიშვილის და ზურაბ სოტკილავას ნათელ ხსოვნას!!! ჩემს კერპებს, მამას უახლოეს მეგობრებს, კოლეგებს და ადამიანებს, ვის ხელში და გარემოცვაში გავიზარდე და დღემდე განვიცდი, რომ ვერ გავაცილე უკანასკნელ გზაზე. ნათელი და სანთელი არ მოჰკლებოდეს თქვენს ხსოვნას!! ამინ!“-წერს საკუთარ ფეისბუქ გვერდზე თამარ ივერი.