„თათრების ქორწილში არ ვყოფილვარ, უნდა გაგათხოვოო... ჩანთა დაუხაზა და ფიზიკური შეურაცხყოფა მიაყენა“- 67-ე სკოლის მასწავლებელს ზეწოლაში ადანაშაულებენ

საზოგადოება - 12:07, 19 Oct, 2017

15515

თბილისის 67-ე საჯარო სკოლის მოსწავლეები სკოლის მიმდებარე ტერიტორიაზე ქიმიის პედაგოგ დოდო კეზუას მხარდამჭერ აქციას ამ წუთებშიც მართავენ. მათი თქმით, მასწავლებელს დირექტორი პირადი უთანხმოების გამო უშვებს სკოლიდან. აქციაზე მივიდა ერთ-ერთი მშობელი, რომელიც მოსწავლეების საპირისპირო ინფორმაციას ავრცელებს. ნათია მახარაშვილი სკოლის სამეურვეო საბჭოს წევრია.

მისი თქმით, კეზუას წინააღმდეგ სადისციპლინო საბჭოში შეტანილია რამდენიმე სარჩელი ბავშვების ცემასა და შეურაცხყოფასთან დაკავშირებით, საიდანაც ერთ-ერთი სარჩელი ეთნიკური უმცირესობის წარმომადგენლს ეკუთვნის.

"პირადად გავიგე როგორ ტიროდა გოგონა, რომელიც აცხადებდა რომ ის მასწავლებელმა სცემა. ეს მოსწავლე აზერბაიჯანელია და მას შეურაცხყოფა მთელი კლასის თანდასწრებით მიაყენა: უთხრა თათრების ქორწილში არ ვყოფილვარ და მეათე კლასელი გოგონა უნდა გაეთხოვებინა, რომ თათრების ქორწილში წასულიყო. იგივე გოგონას ამ ქალბატონმა ფიზიკური შეურაცხყოფა მიაყენა იმიტომ, რომ გაკვეთილის მსველობისას საწერი და რვეული ამოღებული არ ჰქონდა. ქიმიის მასწავლებელმა მოსწავლეს ჩანთა დაუხაზა"- აღნიშნა ერთ-ერთმა მშობელმა.

რაც შეეხება ქიმიის მასწავლებელს ის აღნიშნულ ინფორმაციას არ ადასტურებს. სკოლაში არსებულ დაპირისპირებაზე საუბრობენ მოსწავლეებიც მათი ინფორმაციით, მასწავლებლები 2 ჯგუფად არიან გაყოფილი. ნაწილი ემხრობა სკოლის დირექტორს, ნაწილი კი არა.