უამინდობა აჭარაში - სოფლებში მეწყერი ჩამოწვა, 500-მდე აბონენტს კი ელექტროენერგია ამ დრომდე არ მიეწოდება

საზოგადოება - 12:08, 17 Oct, 2017

1183

ქობულეთში უამინდობამ პრობ;ემები შექმნა. "ნიუპოსტის" რეგიონალური კორესპოდენტის ცნობით, შუახევის მუნიციპალიტეტის სოფელებში - ნიგაზეულში და ფურტიოში ორ საცხოვრებელ სახლთან მეწყერი ჩამოწვა. შემთხვევის შედეგად არავინ დაშავებულა. სოფლებში - ნაღვარევი და ინწკვირეთი მდინარემ ხიდები წაიღო, რის გამოც ადგილობრივები გარესამყაროს არიან მოწყვეტილი. ასევე, სოფელ ჯაბნიძეებსა და ფურტიოში საავტომობილო გზაზე მეწყერია ჩამოწოლილი.
მუნიციპალიტეტში 500-მდე აბონენტს ელექტროენერგია ამ დრომდე არ მიეწოდებათ.
მეწყერი ჩამოწვა გვიან ღამით ქედის მუნიციპალიტეტში ცენტრალურ საავტომობილო გზაზეც.
ქობულეთის გამგეობაში აცხადებენ, რომ უხვი ნალექის გამო, სასმელი წყალი არ მიეწოდება, სოფლების: ციხისძირის, ბუკნარის, ზენდიდის და ოჩხამურის მოსახლეობას. წყლის სათავე ნაგებობა ქვიშით არის დაფარული და გამოდარების შემთხვევაში გაწმენდითი სამუშაოები განხორციელდება. სოფელ ოჩხამურში, სოფელ ლეღვაში, სოფელ ქაქუთში, სოფელ ქობულეთში, სოფელ ჭახათში, სოფელ ხუცუბანში, დაბა ჩაქვში და სოფელ აჭყვისთავში საავტომობილი გზაზე გადაადგილება მეწყერის გამო შეუძლებელია. სოფელ ქაქუთში კი მოძრაობა ორი მიმართულებითაა ჩაკეტილი.