მარიტა და გედია ქართულ კინემატოგრაფიაში ერთ-ერთი ყველაზე დასამახსოვრებელი წყვილია. მარიტა- ლიკა ქავჟარაძე გუშინ გარდაიცვალა, ტელეკომპანია პირველის ეთერში მსახიობი მისმა ეკრანულმა მეწყვილემ სოსო ჯაჭვლიანმა გაიხსენა:

„ვისმენდი ლიკას საუბარს, მან თქვა, რომ ასე მგონია 300 წელი ვიცოცხლეო, 300 წელი კი არა ლიკა 1000 წელი იცოცხლებს ქართველების გულში, ლიკა ჩემთვის იყო მართლა განუმეორებელი... „ნატვრის ხემდე“ იყო ფილმი ჩემი და ლიკას მონაწილეობით „კავკასიური რომანსი“ სადაც ვთამაშობდით ჩვენ შეყვარებულებს... ლიკა ჩვენთვის იყო მართლა განუმეორებელი. ლიკა, მე და ზაზას ძალიან გვიყვარდა, მაგრამ გვიყვარდა სხვანაირად... გულწრფელი სიყვარული გვქონდა... ფილმის პრემიერის დროს, როცა ეკრანზე ვნახე ლიკა, ჩემთვის ჩავილაპარაკე, როგორ დაუმახიჯებიათ, იმდენად გაცილებით ლამაზი იყო ცხოვრებაში.“- განაცხადა სოსო ჯაჭვლიანმა.