ფეხბურთის 2018 წლის მსოფლიო ჩემპიონატზე 23 ნაკრები უკვე გასულია, გასარკვევია 9 გამსვლელის ვინაობა

ჩემპიონატზე თამაშის უფლება უკვე მოპოვებული აქვთ შემდეგ ქვეყნებს : რუსეთი, ბელგია, ინგლისი, გერმანია, ესპანეთი, ისლანდია, პოლონეთი, სერბეთი, საფრანგეთი, პორტუგალია, ბრაზილია, ურუგვაი, არგენტინა, კოლუმბია, იაპონია, სამხრეთი კორეა, ირანი, საუდის არაბეთი, კოსტა-რიკა, მექსიკა, პანამა, ეგვიპტე, ნიგერია

9 გუნდი კი შემდეგი ქვეყნებიდან უნდა გამოვლინდეს: პერუ, შვეიცარია, ხორვატია, დანია, ჩრდილოე ირლანდია, შვედეთი, ირლანდია, ტუნისი, სენეგალი, კონგოს დემოკრატიული რესპუბლიკა, ავსტრალია, საბერძნეთი, მაროკო, ბურკინა- ფასო, კოტ დ’ივუარი, კაბო ვერდე, ჰონდურასი, ახალი ზელანდია, სამხრეთ აფრიკის რესპუბლიკა

მსოფლიოს ჩემპიონატი რუსეთში 2018 წლის 14 ივნისიდან 15 ივლისის ჩათვლით ჩატარდება და მასში პლანეტის 32 საუკეთესო გუნდი ითამაშებს. ჯგუფური ეტაპის წილისყრა მოსკოვში 1-ელ დეკემბერს, კრემლში გაიმართება.

უკვე ცნობილია, რომ წილისყრისას პირველ კალათაში იქნებიან რუსეთი, ბრაზილია, ბელგია, გერმანია, არგენტინა, პოლონეთი, პორტუგალია, საფრანგეთი.

საინტერესო იყო საკვალიფიკაციო ციკლი სამხრეთ ამერიკის ზონაში. ხუთ მატჩს შორის მთავარი მოვლენა, რა თქმა უნდა, კრიზისში მყოფი არგენტინის ნაკრების მუნდიალზე გასვლაა - ეროვნულ გუნდს მხსნელად ისევ და ისევ ლიონელ მესი მოევლინა.

ყველაფერი საკუთარ თავზე ლიონელ მესიმ აიღო - სუპერვარსკვლავმა კაპიტანმა პირველივე ტაიმში, მე-11 და მე-18 წუთებზე დუბლი გაიფორმა, მეორე ნახევრის 62-ე წუთზე კი ჰეთ-თრიქი შეასრულა და უდიდესი საფეხბურთო წარსულის მქონე ქვეყნის ეროვნულ გუნდს მუნდიალის საგზური მოუპოვა. ასევე აღსანიშნავია ისიც, რომ ჩრდილო და ცენტრალური ამერიკის ზონიდან, არსებობის ისტორიაში პირველად პანამა მსოფლიო ჩემპიონატზე ითამაშებს.

ევროპულ ქვეჯგუფებში კი მთავარი მოვლენა ისლანდია გახდა, არსებობის ისტორიაში პირველად, ისლანდიის საფეხბურთო ნაკრები მსოფლიო ჩემპიონატზე ითამაშებს.