"ბარსელონა" საყოველთაო გაფიცვას უერთდება - კატალონიური კლუბი მოვლენების ეპიცენტრში

სპორტი - 12:27, 03 Oct, 2017

6769

„ბარსელონას“ პრეზიდენტის , ხოსეპ მარია ბარტომეუს თქმით „ბარსელონა“ ადასტურებს თავის მხარდაჭერას თავისუფლებისა და კატალონიელი ხალხის მიმართ და გმობს იმ ქმედებებს, რომელიც კატალონიაში ჩატარებული რეფერენდუმის დროს სამართალდამცავების მხრიდან განხორციელდა, მისი თქმით კატალონიაში ჩატარებულმა რეფერენდუმმა შესაძლოა, სერიოზული გავლენა მოახდინოს გუნდზე:„ჩვენი ისტორიის ამგვარ ტრანსცენდენტურ მომენტში, „ბარსელონა“ ადასტურებს თავის მხარდაჭერას თავისუფლებისა და კატალონიელი ხალხის მიმართ.ის რაც ჩვენ ვნახეთ ჩვენს ქეყანაში, დაუშვებელი იყო. ჩვენ მოვითხოვთ კატალონიელი ხალხის მიმართ პატივისცემას და გვერდით ვუდგავართ მის კანონიერ წარმომადგენლებს.

ჩვენ კატალონიელებმა მოვიპოვეთ უფლება, რომ მოგვისმინონ. წარმოვადგენთ რა ქვეყნის ერთ-ერთ წამყვან მწარმოებელს ქვეყანაში, ჩვენ მოვუწოდებთ ისეთი პოლიტიკური გადაწყვეტილების მიღებისკენ, რომელიც ხალხის სურვილების შესაბამისი იქნება.“- განაცხადა ხოსეპ მარია ბარტომეუმ. მისი თქმით დამოუკიდებლობის გამოცხადების შემთხვევაში კატალონიურ კლუბსა და მის ფანებს მოუწევთ არჩევანის გაკეთება, რომელ ლიგაში ითამაშოს „ბარსელონამ”.
საფეხბურთო კლუბი „ბარსელონა“ დღეს კატალონიაში, უმსხვილესი პროფკავშირების ორგანიზებულ გაფიცვის აქციას უერთდება. სადაც კატალონიის დამოუკიდებლობის შესახებ რეფერენდუმის მიმდინარეობისას პოლიციის ქმედებებს გააპროტესტებენ.

„ბარსელონამ“ გადაწყვიტა შეუერთდეს ქვეყნის მასშტანოთ მიმდინარე აქციას Taula per la Democràcia, რომელშიც მონაწილეობას იღებენ სხვადასხვა პროფკავშირები და კატალონიური ორგანიზაციები. ამიტომ კლუბი 3 ოქტომბერს დაკეტილი იქნება.“- ნათქვამია „ბარსელონას“ ოფიციალურ განცხადებაში.