90-ზე მეტი საჩივრი და მხოლოდ 2 საქმეზე დაწყებული სისხლის სამართლის დევნა - რა დარღვევებზე საუბრობს "ღია საზოგადოება საქართველო"

საზოგადოება - 09:51, 02 Oct, 2017

1424

პენიტენციალურ სისტემაში არსებულ დარღვევებსა და საგამოძიებო უწყებების მიერ საქმეების გამოუძიებლობაზე საუბრობს ფონდი „ღია საზოგადოება საქართველო“. არასამთავრობო ორგანიზაცია არსებულ ვითარებაზე ანგარიშს დღეს წარადგენს. ანგარიში 2012 წლიდან პერიოდს მოიცავს და ქვეყნის მასშტაბით, წამების საქმეებსა და მათზე რეაგირების კუთხით არსებულ მდგომარეობას აღწერს.

ორგანიზაციის ინფორმაციით პატიმართა მიმართ შესაძლო არაადამიანური მოპყრობისა და ზეწოლის შესახებ 90-ზე მეტი საჩივარი დაიწერა მთავარ საგამოძიებო ორგანოში და აქედან მხოლოდ ორ შემთხვევაში დასრულდა გამოძიება.

„ბოლო სამი წლის განმავლობაში საქართველოს სამოქალაქო სექტორმა სახალხო დამცველთან ერთად 91-ჯერ მიმართა საქართველოს პროკურატურას ამგვარი ფაქტების გამოძიების მოთხოვნით. აქედან მხოლოდ ორ საქმეზე არის დაწყებული სისხლის სამართლებრივი დევნა, ხოლო გამამტყუნებელი განაჩენი არცერთ საქმეზე არ დამდგარა. სწორედ ეს წარმოადგენს მთავარ პრობლემას და გამოწვევას, რასთანაც საქართველოს ხელისუფლებამ სამწუხაროდ, გამკლავება ვერ შეძლო,“ - განაცხადა ფონდ “ღია საზოგადოება - საქართველოს“ პროექტის კოორდინატორმა სოფო ასათიანმა.