საშიში ინტერნეტ-თამაშის სავარაუდო მსხვერპლი - "14 წლის ბავშვს ოჯახით ემუქრებოდნენ, გამუდმებით ურეკავდნენ, ამ ზომამდე მიიყვანეს"

საზოგადოება - 20:54, 28 Sep, 2017

17520

14 წლის ნიკა ბულაშვილმა სიცოცხლე თვითმკვლელობით დედისა და 10 წლის დიდ თანდასწრებით 2 თვის წინ დაასრულა. მოზარდი დღის 4 საათზე მეთოთხმეტე სართულიდან გადახტა. გარდაცვლილის ოჯახი დარწმუნებულია, რომ არასრულწლოვანს ემუქრებოდნენ. ბულაშვილები გამოძიების შედეგებს ელოდებიან, პარალელურად კი საქართველოს კათალიკოს პატრიარქს მიმართავენ. ისინი ილია მეორეს სთხოვენ კურთხევას მართლმადიდებლური წესით წესის აგებაზე.

ბულაშვილები ამბობენ, რომ საშიშ ინტერნეტ თამაშის "ლურჯი ვეშაპს" საქართველოში მფარველები ჰყავს.

"2 ოქტომბერს უკვე ორმოცია, ვთხოვთ პატრიარქს მოგვცეს კურთხევა"- ამბობს გარდაცვლილის დედა.

მოზარდის მშობლები დარწმუნებულები არიან, რომ ბავშვის მეგობრებმა იციან ვისგან მიიღო მათ შვილმა სასიკვდილო დავალება.

"იციან თუმცა მალავენ. თვითმკვლელობამდე 4 დღით ადრე სწორედ მათი დარეკვის შემდეგ ჩადიოდა ქვემოთ. ეტყობა მათაც ემუქრებიან და ისე ალაპარაკებენ როგორც არიგებენ"- აცხადებს ბექას ბებია. მისი თქმით, სამართალდამცავებმა 14 წლის მოზარდის კუთვნილი ტელეფონი წაიღეს თუმცა დამატებით ინფორმაცია არავის მიუწოდებია.

გარდაცვლილის დედა ვარაუდობს, რომ მოზარდმა საშიში ინტერნეტ თამაშის თამაშს თავი დაანება, როს შემდეგაც მასზე ფსიქოლოგიური ზეწოლა განახორციელეს.

"როგორც გავიგეთ ემუქრებოდნენ. ემუქრებოდნენ ოჯახით. თვითმკველობამდე ოთხი დღით ადრე ურეკავდნენ კლასელები, მეოთხე დღეს კი ბავშვი ამ ზომამდე მიიყვანეს"- ამბობს გარდაცვლილის დედა.

ოჯახის თქმით, თვითმკვლელობამდე ნიკას ხელზე საეჭვო ტატუ შენიშნეს. კითხვის ნიშანს ბადებს სუიციდის დროც.

"24 რიცხვი, 14 წლის, მეთოთხმეტე სართული, 4 საათი და ხელზე 5-ანი - შოკში ვარ... თუ იციან დაბლოკონ ეს საიტები. ევროპაში ხომ დაბლოკეს?!"- განაცხადა გარდაცვლილის მამა.

მისი თქმით, საშოში თამაშში ჩართულები, გარდაცვალებამდე სურათებს იღებენ ან უღებენ მსხვერპლს, რომელსაც საზღვარგარეთ აგზავნიან.