"ხვალ საქართველოში ვიქნები" - ბრაზილიელი ფეხბურთის ვარსკვლავი რივალდო თბილისში ჩამოდის

სპორტი - 17:30, 28 Sep, 2017

5613

ცნობილი ბრაზილიელი ფეხბურთელი რივალდო ხვალ თბილისში იქნება. ამის შესახებ ინფორმაცია მან ფეისბუკგვერდზე გაავრცელა.

„ფრანკფურტში ჩამოვედი, ცოტა ხანში მილანში ვიქნები ღმერთის წყალობით, ხვალ კი საქართველოში თუ ღმერთი ინებებს“- წერს რივალდო.

ბრაზილიის ნაკრების ყოფილი ვარსკვლავი თბილისში ვარსკვლავურ მატჩში მონაწილეობის მისაღებად ჩამოდის, რომელიც საქველმოქმედო მიზნებით, ბორჯომის ტყის აღსადგენად იმართება.

საქველმოქმედო მატჩი "მსოფლიო ვარსკვლავები საქართველოსთვის" 29 სექტემბერს, 21:00 საათზე, “დინამო არენაზე“ გაიმართება – “მსოფლიო 11“ მატჩის მასპინძელ “ფეხბურთის ფედერაცია 11“-ს დაუპირისპირდება. საქველმოქმედო მატჩიდან შემოსული თანხა კი ხანძრის შედეგად დაზარალებული ბორჯომის ტყის აღდგენას მოხმარდება. 29 სექტემბერს თბილისს ესტუმრებიან ფრანჩესკო ტოტი, კარლეს პუიოლი, რივალდო, დიდა, ანდრეი შევჩენკო, ხავიერ ძანეტი, ზვონიმირ ბობანი, სერჟინიო, პაოლო მალდინი, ლუკა ტონი, ერნან კრესპო, ვინსენტ კანდელა, მარეკ იანკულოვსკი, ალესანდრო კოსტაკურტა, დემეტრიო ალბერტინი, დინო ბაჯო, მასიმო ამბროზინი, მასიმო ოდო, მარკო დელვეკიო, სებასტიან ფრეი, ანჯელო დი ლივიო, ენრიკო ანონი, კრისტიან აბიატი, სებასტიანო როსი, ჯუზეპე ფავალი, მაურო ტასოტი, ანჯელო კარბონე, ივან კორდობა, დარიო შიმიჩი, იბრაჰიმ ბა და პიეტრო ვერხოვოდი.