აზიურ ფაროსანასთან ბრძოლის მიზნით სამეგრელოს რეგიონში მოსახლეობისთვის პრეპარატების და ფერომონების (მავნებლის მოსაზიდი ხაფანგი) გადაცემა მიმდინარეობს. შესაწამლი პრეპრატები 95 911 ოჯახს გაადაეცემა. თითოეულ ოჯახზე თითო ლიტრი პრეპარატი და ფერომონია გათვალისწინებული. პრეპარატების გამოყენების და უსაფრთხოების წესების დაცვის,აგრეთვე მავნებელთან ბრძოლის სხვა მეთოდების შესახებ, მოსახლეობას საინფორმაციო მასალებიც მიეწოდება.

სამეგრელოს რეგიონში ზუგდიდის მუნიციპალიტეტში პრეპარატების გადაცემის პროცესს დაესწრნენ სოფლის მეურნეობის მინისტრის მოადგილე გიორგი ხანიშვილი, სურსათის ეროვნული სააგენტოს უფროსი ზურაბ ჩეკურაშვილი და სამეგრელო-ზემო სვანეთის სახელმწიფო რწმუნებულის რეგიონული პროექტების კოორდინირების სამსახურის უფროსი ნუგზარ გაბელია. გიორგი ხანიშვილმა ხაზგასმით აღნიშნა იმ ღონისძიებების მნიშვნელობა, რომლებიც მავნებლის საწინააღმდეგოდ სახელმწიფომ გაატარა თუმცა მავნებელთან ბრძოლა იმ ეტაპზე გადადის როცა მოსახლეობის ჩართულობა უმნიშვნელოვანესია. მოსახლეობას პრეპარატები ეტაპობრივად რეგიონის ყველა მუნიციპალიტეტს გადაეცემა.

ბიფენტრინის ჯგუფის პრეპარატები, რომლებიც მოსახლეობას ურიგდება, რეკომენდებულია მსოფლიოს წამყვანი ენტომოლოგების მიერ და აზიურ ფაროსანასთან ბრძოლისას ერთ-ერთ ყველაზე ეფექტური საშუალებაა.