აშშ-ის ანტიდოპინგური სააგენტო 2018 წლის ზამთრის ოლიმპიური თამაშებიდან რუსეთის ნაკრების მთელი შემადგენლობის მოხსნას ითხოვს. სააგენტოს ხელმძღვანელმა ტრევის ტაგარტმა განაცხადა, რომ რუს სპორტსმენებს, ვინც საკუთარ პატიოსნებას დაამტკიცებს ოლიმპიადაზე ნეიტრალური სტატუსით გამოსვლის საშუალება უნდა მიეცეთ.

მან მსოფლიო ანტიდოპინგურ სააგენტოს მოუწოდა არ მოექცეს საერთაშორისო ოლიმპიური კომიტეტის და მოსკოვის პოლიტიკური გავლენის ქვეშ.

რუსეთის 2018 წლის ზამთრის ოლიმპიურ თამაშებში მონაწილეობის საკითხი პარიზში გაიხილება. აშშ-ს ინიციატივას უკვე დაუჭირა მხარი 17-მა ქვეყანამ.

2018 წლის ზამთრის თამაშები სამხრეთ კორეაში 9-25 თებერვალს გაიმართება.