ტელეკომპანია „რუსთავი2“ ახალ მეგა შოუს იწყებს, ამომავალი ვარსკვლავი-Rising Star იქნება ახალი მუსიკალური პროექტი, რომელსაც რუსთავი2-ის მაყურებელი ძალიან მალე იხილავს.

„Rising Star”-ის ორიგინალური ვერსია პირველად ისრაელში გამოვიდა 2013 წელს. პროექტი ძალიან რეიტინგული აღმოჩნდა, რის შემდეგაც სხვადასხვა ქვეყნებმა შოუს ნაციონალური ვერსიები შექმნეს. ამ დროისთვის „Rising Star”-ი ანალოგი პროექტი მსოფლიოს ბევრ ქვეყანაშია, მათ შორისაა აშშ, გერმანია, საფრანგეთი, დიდი ბრიტანეთი, რუსეთი, საბერძნეთი, ბრაზილია და სხვა, მალე კი მათ რიცხვს საქართველოც შეემატება. ყველაზე დიდი პოპულარობით პროექტი აშშ-ში სარგებლობდა.

პროექტში მონაწილე მომღერლების ბედი თავიდან ბოლომდე მაყურებელზე იქნება დამოკიდებული. სწორედ ისინი გადაწყვეტენ გავა თუ არა კონკურსანტი სცენეზე. შემსრულებელი ეკრანის მიღმა დგას, ჟიურის წევრები აუდიტორიასთან ერთად კი ეკრანის მეორე მხარეს. ჟურის წევრები და მაყურებელი კონკურსის მონაწილეს ხმას სიმღერის მიმდინარეობისას აძლევს. იმისათვის, რომ ამომავალმა ვარსკვლავმა შემდეგ ტურში გადასვლა შეძლოს, ამისთვის საჭიროა სიმღერის დროს ხმათა 70%-ზე მეტი დააგროვოს.

ახალი შოუ მისი წინამორბედებისგან იმით განსხვავდება, რომ აქ ხმის მიცემა არა მესიჯებით არამედ სპეციალური მობილური აპლიკაციით ხდება. ხმის მიცემა შესაძლებელია მხოლოდ ერთხელ და თან უფასოა.

„რუსთავი2’-ის გენერალური დირექტორის ნიკა გვარამიას თქმით, ტელეკომპანიას მეგა შოუებთან დაკავშირებით დიდი გეგმები აქვს:

„გუშინდელ დღე ნიჭიერზე და იქსფაქტორზე ბევრად უკეთესს ვაკეთებთ. და არა მარტო "ამომავალ ვარსკვლავს"- დაწერა გვარამიამ ფეისბუკზე.

ახალი მეგაშოუების წარმატებაში დარწმუნებულია “რუსთავი 2”-ის საერთაშორისო პროექტების ხელმძღვანელი დავით იმედაშვილიც.