დღეს, სასავლო პროცესი ჩაიშალა კარალეთისა და გარეჯვრის საბავშვო ბაღებში.

„ნიუპოსტის“ კორესპონდნეტის ცნობით, ბაგა-ბაღებში მისული პატარები უკან გააბრუნეს. მიზეზი კი ბუნებრივი აირის მოულოდნელი გათიშვა გახდა. ბაღებში ამბობენ, რომ ბუნებრივი აირის შეწყვეტის შესახებ, გაზის კომპანიამ ისინი წინასწარ არ გააფრთხილა.

კარალეთსა და გარეჯვარში, ბუნებრივი აირის გათიშვა მილის დაზიანებამ გამოიწვია, პრობლემის აღმოსაფხვრელად კი სამუშაოები ამ დრომდე მიმდინარეობს. სააღმზრდელო პროცესი საბავშვო ბაღებში, სავარაუდოდ, ხვალ დილიდან განახლდება.